أزمة تخرج
17 أغسطس 2009 أترك تعليقا
in IT Faculty
أول شي الحمد لله اني اتخرجت وبقي المعدل فوق 70 
جيد جدا
حبيت شارككون باللي صار معي بالكم يوم الماضيين مشان ما حدا يصير معو نفس الشي وينتبه عالموضوع قبل فوات الأوان
من فترة نزلت كل موادنا والحمد لله كانوا كلون مترفعين ومن كم يوم نزل مشروع التخرج وجبنا 87 والحمد لله
وبانتظار مسودة قرار التخرج، بتفاجأ انو أحد الأصدقاء بيحكي معي وبقلي “خبروه الامتحانات مشان يوصلي انو لازم جيب براءة ذمة من التدريب الجامعي خلال 24 ساعة كحد أقصى أو بيروح تخرجي للتكميلية
ما كذبت خبر ونطيت بعز الظهر من الشغل عالتدريب الجامعي بالتوجيه وقلتلون بدي براءة ذمة فال لبعد يومين… رحت عالجامعة وطلعت عالامتحانات قلتلون انو وصلني بدكون براءة ذمة وهيك صار معي بالتدريب الجامعي وإذ بتطلع القصة مختلفة تماما
بما اني وحيد فما بخدم معسكر التدريب الجامعي وبعمل بالسنة الأولى والتانية ورقة إعفاء من المعسكر (بالتدريب الجامعي) وبيبعتوها للكلية وبتم اعتباري ناجح بالمادة… المشكلة هي انو ورقة السنة الأولى واصلة وورقة السنة التانية ما واصلة وما مسجل قرار الإعفاء بالامتحانات ومع هيك كنت عم اطلع من سنة لسنة “ناجح” وليس “منقول” مشان هيك كنت مطمن انو ما في مشاكل بالتدريب الجامعي
رجعت مرة تانية عالتدريب الجامعي وطلعت على شؤون الطلبة قلتلون بدي صورة عن قرار إعفائي من المعسكر سنة 2006 لأني وحيد مشان آخدها للامتحانات… وإذ بقلي الرقيب انو كتير صعب نطلعها وصارت كتير قديمة وبجوز ندور عالفاضي ومن هالحكي… قلتلو أنا بدور عليها وبعد جهد طويل و10 دقايق من الأخد والرد طلعلي مصنف فيه شي 2000 ورقة 
وقلي دور هون على اسمك
بلشت دور بيأس بس الحمد لله لقيت ورقتي وقلتلو هلأ بس بدي صورها مشان آخد نسخة من القرار للكلية… قلي ما بيمشي الحال ممنوع!!! هي موقع عليها اللواء القديم (مدير إدارة التدريب الجامعي) ولازم يوقع عليها اللواء الجديد وهلأ هو ما هون… ارجع بكرا الظهر بكون وقعها وبتاخدها من عندي… قلتلو طيب.. ورجعت للكلية بآخر الدوام قلتلون بالامتحانات هيك صار معي… قال ما مشكلة جيبها بكرا الظهر… هون حسيت انو انتهى الموضوع وارتحت
تاني يوم الظهر منتفاجأ انو اللواء ما اجا وما وقع شي والامتحانات بدون ينزلو قرار التخرج… ورح اتأجل للتكميلية 
وبعد عذاب طويل وبواسطة قدرنا نطلع الورقة وناخدها للامتحانات… هون حسيت للمرة التانية انو انتهى الموضوع
بعت الورقة مع أحد الأصدقاء (ما مستاهلة اطلع من الشغل بس مشان وصل الورقة للامتحانات) وإذ بقولو لهالشب انو هالقرار بتاريخ 4/7 والقرار تبع السنة الأولى (اللي واصلون) بتاريخ 10/7 معناها هاد نفسو تبع السنة الأولى، نحنا بدنا تبع السنة التانية…!!! الغريب بالموضوع انو بعد 4/7 بيجي 2006 وما بعرف ليه ما كلفو خاطرون يقرو السنة علما انو كل إعفاءات المعسكرات بتطلع بهالوقت من السنة
بكل الأحوال بالنهاية مشي الحال واقتنعوا اني ما عم كذب عليون وانو هي الورقة اللي بدون ياها بعد ما شافو السنة ومع هيك ما نزل اسمي بمسودة القرار لأني وصلت بعد ما انطبع 
بس مشي الحال مشان القرار وان شاء الله بنزل بالقرار النهائي
وطبعا في كتير ناس صاير معون نفس الشي وعم يطلعون بالكلية ناجحين كل سنة بدل منقول
هي القصة باختصار بدون العجأة والشوب والشلف تبع الموظفين 
حبيت اكتبها بالمدونة لشاركها مع أصدقائي بالموقع ومشان الشباب اللي عندون اعفاءات من معسكر التدريب الجامعي يرجعو يتأكدو انو وصلت للامتحانات ومسجلة عندون
ودمتم سالمين
هل يظهر الرياضيون الصهاينة على فضائياتنا “العربية”؟
23 يناير 2009 أترك تعليقا
السلام عليكم ورحمة الله وبركاته
بينما كنت أجوب مواقع الويب على شبكة الإنترنت دخلت إلى الموقع الرياضيّ العربيّ الأشهر “موقع كووورة” وعادة ما أستخدم هذا الموقع للحصول على مواعيد المباريات التي أهتمّ بمشاهدتها وفي بعض الأحيان أحصل منه على معلومات عن القنوات الفضائيّة النّاقلة لهذه المباريات. دخلت إلى صفحة بطولة أستراليا المفتوحة للتنس الجارية حالياً وهي إحدى بطولات الغراند سلام الأربع الكبرى في التنس لمشاهدة النتائج والمباريات القادمة ومواعيدها، وبينما كنت أراقب مباريات الغد لاحظت وجود اسم اللاعب “دودي سيلا” في الدور الثالث للبطولة، لم يكن الاسم غريباً فهذا اللاعب الصّهيوني هو المصنّف رقم 106 على مستوى العالم ولكنّ المفاجأة كانت في قائمة القنوات الناقلة لمباراة هذا اللاعب وهي (أبو ظبي الرياضية 1، أبو ظبي الرياضية 2) وقناة أبو ظبي الرياضية هي الناقل الحصري لمباريات البطولة في الشرق الأوسط وشمال إفريقيا.
خلال فترة متابعتي للنشاطات الرياضية منذ عام 1994 وحتى اليوم لم أذكر يوماً أن شاهدت مباراة لفريق صهيوني في أي لعبة فردية أو جماعية على فضائية عربية حتى أن بعض القنوات التي تنقل حدثاً معيناً مثل تصفيات كأس العالم بكرة القدم أو تصفيات كأس الأمم الأوروبية بكرة القدم تتجاهل عرض ترتيب فرق المجموعة التي يلعب فيها الكيان الصهيوني ويتحدث معلقوها عن كل فرق المجموعة أثناء تعليقهم على المباريات ويتجاهلون فريق ذلك الكيان.
لم أجد مبرراً واحداً يجعل مسؤولي القناة أو مسؤولي النقل الإعلامي للبطولة في القناة يفكرون بنقل هذه المباراة، حيث تجري مباراتان في نفس التوقيت وكلتاهما تضمان مصنفين من أفضل اللاعبين في العالم وبالإمكان استبدال أي من هاتين المباراتين بمباراة اللاعب الصهيوني.
هل ستكسر قناة أبو ظبي هذا الصيام الفضائي الرياضي العربي وتنقل مباراة للاعب صهيوني؟؟
هل ستكون هذه هي بداية النهاية لمقاطعة مثل هذا النوع من النقل الرياضي؟
هل تنتقل عدوى بعض القنوات الإخبارية وفكرها السياسي والاجتماعي المتمركز تماماً على محور “الاعتدال” إلى القنوات الرياضية أيضاً أم أنّ نقل مثل هذه المباريات يأتي ضمن فكرة “فصل الرّياضة عن السّياسة” الذي شكل موقف الجماهير التركية خرقاً له بطردهم لفريق كرة سلة صهيوني في مباراة كانت مقررة في تركيا ضمن دوري أبطال أوروبا بكرة السلة
ربما يجب أن ننتظر حتى الساعة الثانية صباحاً بتوقيت دمشق لمشاهدة أبو ظبي الرياضية وقطع الشك باليقين حول المباراة المنقولة وستكون لنا عودة لهذا الموضوع بعد المباراة إن شاء الله
